Billete de 20 euros

Billete de 20 euros
Primeira serie (2002-2014)[1]
Anverso
Reverso
Segunda serie (desde 2015)[2]
Anverso
Reverso
Valor: 20 euros. Territorio: Eurozona. Cor: azul. Temática: arquitectura gótica. Deseñador: Robert Kalina (1ª serie) e Reinhold Gerstetter (2ª serie). Data do deseño: 1998 (1ª serie) e 2015 (2ª serie). Datas de emisión: desde 2002. Longo: 133 mm. Alto: 72 mm. Material: fibra de algodón.

O billete de 20 euros é o terceiro billete da serie do euro co valor facial máis baixo, posto en circulación desde a introdución do euro como moeda da Eurozona en 2002.

Este billete utilízase nos 25 países que teñen o euro como moeda única, cunha poboación de arredor de 343 millóns de persoas. En decembro de 2022, había uns 4.805.000.000 billetes de 20 euros en circulación na Eurozona. É o segundo valor facial con máis presenza na circulación e representa o 16,3 do papel moeda en uso.^[3]

É tamén o terceiro billete de menor tamaño, cunhas medidas de 133 × 72 mm, e a súa cor característica é azul.

Os billetes de 20 euros representan en ambas as súas faces pontes e arcos ou portas da arquitectura gótica (séculos XIII e XIV). Conteñen ademais varios elementos de seguridade complexos, como marcas de auga, tinta invisible, hologramas e microimpresión, que acreditan a súa autenticidade.

O billete de 20 euros correspondente á segunda serie, coñecida como "Europa", foi anunciado o 24 de febreiro de 2015, e entrou en circulación o 25 de novembro dese mesmo ano.^[4]

1. ↑ "20 Euro 2002 Series". Numista.com
2. ↑ "20 Euro Europa Series". Numista.com
3. ↑ "Euro banknotes, quantities". European Central Bank (ECB.europa.eu).
4. ↑ "Nova nota de €20 apresentada hoje em Frankfurt am Main". Banco Central Europeu (ECB.europa.eu).